Union Minister-in hmarchhak tan project hrang hrang a hawng

Union Minister of Ports, Shipping and Waterways, Sarbananda Sonowal chuan nimin khan hmarchhak state ten lui hmanga inkalpawhna ṭha an neih theihna tur project hrang hrang a hawng. Hengte hi hmalakna pawimawh tak tak an ni dawn a, Rs vbc. 254 hman ralna tur project hrang hrang hawnna hun hi Pandu Port, Guwahati ah neih a ni.

Minister Sonowal hian project hrang hrang a hawn zingah hian - passenger-cum-cargo terminal, Bogibeel Dibrugarh district (vbc. 46.60), IWT terminal, Sonamura Sipahijala district Tripura (vbc. 6.91), leh Assam Karimganj leh Badarpur terminals thawmṭhatna tur vbc. 6.40 te an tel. Heng bakah hian Sonowal hian tuilian vengtu leh lawng chawlhna atana hman theih (jetties) paruk, Brahmaputra luia siamna tur Rs vbc. 8.45 project a hawng bawk. National Waterway-2 leh National Waterway-16-a khualzin phur thei lawng sawmpakua (19) dahna atan vbc. 25 sen a ni dawn a, heng bakah hian lui hmanga inkalpawhna awmsa cheiṭhat leh thawmṭhat nan vbc. 30 dah hran a ni bawk.

Heng inkalpawhna project hrang hrang bakah hian Inland Waterways Authority of India's (IWAI's) office sakna tur lungphum a phum bawk a, he office hnuaia thawktute hian lui kaltlanga sumdawnna leh mihring chevel endik hna an thawk dawn.