Arunachal : Lungalhthei khura thawktu rukbote zawng mek

Arunachal Pradesh-a lungalhthei laihchhuahna khura hnathawk pathum rukbo te chu ngawrh taka zawn mek an ni.

Kar liamta Inrinni zan khan ralthuam keng helpawl nia rin chuan Phinbero bula lungalhthei laihchhuahna hmun aṭangin supervisor pathum Gyan Thapa, Chandan Narzary, leh Lekhok Bora te an ru bo a ni. Superintendent of Police, Kirli Padu chuan heng mi pathumte hi himdam taka chhuah zalen thuai an nih a beisei thu a sawi.

Padu chuan,"Rukbo zinga mi tumah chhanchhuah la nei lo mah ila, kan hmalakna hian rah ṭha a chhuah ngei kan beisei. Assam nena kan ramriah Assam police nen kan thawhhona a ṭha em em a, anni bakah hian security agency hrang hrang ten mi bo zawn hna hi min thawhpui bawk a ni" a ti. Rukbo zinga ṭhenkhat chhanchhuah an awm tawh nia thuthang chu a dik loh thu SP Padu chuan a sawi nghal bawk.

Phinbero hi India leh Myanmar inrina bul a nih avangin helpawl chettlatna hmun a ni a, dan phalloh thil hrang hrang tawlhruk nan an hman ṭangkai bakah helpawl hian tawmhimnan an hmang ṭhin a ni.