Sikkim CM-in multi level car parking facility a hawng

Sikkim chief minister, Prem Singh Golay chuan chhawng 14 a sang, West Point Mall-a multi-level car parking facility leh Foot Over Bridge a hawng. He mall hi a len em avangin a bulhnaia chengte chuan chhiatna a thlen an hlauh thu an sawi.

Chief Minister chuan West Point Mall bulhnaia chengte hlauhthawnna chu a hriatthiampui tih sawiin, Mall thlang lama cheng zawng zawngte in leh lo chu insuarance tihsak an nih tur thu a sawi. CM Golay chuan,"West Point Mall hi lirnghing Richter scale 7-a na pawh dawl zo tura sak a ni a, sak ṭan a nih hma hian IIT lama mithiamten a leilung hi an zirchiang a, in hi sak theih a nih thu an sawi a ni," a ti. Mall hi chhawng 14 laia sang ni mahse a nihna takah chuan building chhawng 10 rihna nen a rihzawng hi a inang reng niin a sawi.