Pare project-ah Arunachali engineer ruat loh vangin mipui lungawi lo

Pare Hydro-Electric power Project (PHEP) thawh turah Power and Engineering department chuan Arunachal mi ni lo engineer pahnih a ruat a, hei vang hian tualchhung mite an lungawi lo hle. Pare Project Land Affected Welfare Committee (PPLAWC) chuan engineer ruat chungchangah hian an lungawi loh thu an sawi.

PPLAWC chuan Pare project atan engineer ruat a nih dawn hian chanchinbu lamah hna ruak hriattirna an chhuah ṭhat loh bakah project-in a nghawng tur tualchhung mi chu râwn an nih loh thu an sawi. PPLAWC chuan state pawn lam mi project atan ruat an ni chu an hriatthiam loh thu leh an state chhunga engineer hna hmu lo tam tak an awm laia state dang engineer ruat an ni hi hriatthiam harsa an tih thu an sawi. NEEPCO lam hian Arunachal-a tribal-te chu a tilunghnur tak zet tih an sawi a, hetiang a nih avang hian tualchhung mite chuan anmahni ram chhungah ngei enhran niin an inngai a ni, an ti.

Pare Hydro-Electric power Project hi kum 2019 aṭangin bul ṭan a lo ni tawh a, Arunachal kâwlphetha intodelh nan project pawimawh tak ni mah se, tun hnaia buaina hian project hmasawn nan leh zawh thuai a nih na turah ngawng a neih a hlauhawm a ni.