Congress leh TIPRA hotute'n thawh dun chungchang sawiho

Tripura Congress hruaitute leh Tipra Motha hruaitute chu inhmu khawmin, Lok Sabha inthlan lo awm tur atana thawh dun dan tur an sawiho. Tripura Congress President Ashis Kumar Saha pawh a tel a ni.

He inhmuh khawmnaah hian opposition leader, Animesh Debbarma chuan hruaitu hlui Indira Gandhi leh Rajiv Gandhi-te'n Tripura tana an hnathawh tawhte tarlangin, Tripura state buaina neih ṭhin chu Congress chuan an hriatthiam ber ṭhin thu a sawi. Debbarma chuan Tipra Motha hruaitute nen an inkawm zawh hian Congress hotute chuan Delhi lama zin thlak an tum thu sawiin, central lama an hotute an sawipui dawn a ni. Tipra Motha pawhin an party mi leh sate chu hemi chhung hian hmin an lo tum ve bawk ang.

Opposition leader chamber-ah inhmuh khawmna hi neih niin Congress MLA Sudip Roy Barman chuan eptu lam chu an hrawn mek sorkar paihthla tura an ṭanrual a ngaih thu leh, Tripura mipuite tana hamṭhatna thlen ngei tur thutlukna an siam theih a beisei thu a sawi. Tripura Congress chuan BJP paihthla turin theihtawpin hma a la zel ang, a ti.