Meghalaya : Ram hectare nuai 1 organic farming atan hmang dawn

Meghalaya Agriculture Minister Ampareen Lyngdoh chuan kum 2028 hmain an state chhungah ram hectare nuai 1 chu organic farming tih nan hman a nih dawn thu a sawi.

Minister hian he thu hi Assembly session an neih mekah a sawi a, an thil tum buaipuitu tur atan hetiang lama thiam bik company paruk nen inbiakna neiin hmalak a nih tawh thu a tarlang.

Minister Lyngdoh chuan organic farming-in hma a sawn zelna turin chona tam tak a awm tih an hriat thu leh, hemi tur hian sorkar chu a inpeih thu a sawi a ni. Hetih lai hian chief minister hlui Mukul Sangma chuan an thil tum chu midang tihdan entawn a, a riral mai a hlauh thu a lo sawi ve thung.