Manipur-in infiamna lama hmingṭha mi 133 sorkar hna pe dawn

Manipur chief minister, N Biren Singh chuan Players’ Day (Sannaroisingi Numit) an hmanpuinaah, an state-a infiamna lama mi hmingṭha mi 133 hnenah sorkar hna pek a nih tur thu a puang.

India leh Manipur tana chawimawina hrang hrang lo la tawhtu, mi 133-te hi an thiamna mil hna pek an nih dawn thu CM Biren Singh chuan a sawi.Manipur Wushu player Naorem Roshibina Devi chu Deputy Superintendent of Police (DSP) hna pek a ni dawn a, ani hian kumin January thla khan India President hnen aṭangin Arjuna Award a dawng a ni.

Manipur CM chuan infiamna lama thei bikte chu ṭan la zel tura fuihin, 36th National Games, Gujarat leh 37th National Games, Goa-a neiha an state aiawha gold medal late chu an thiamna mil hna pek an nih tur thu a sawi zui bawk. Infiammi hna pek turte hi sorkar hnuaia department hrang hrangah a nih dawn thu Chier Minister chuan a sawi.