Ramri hnaiha chengte himna ngaih pawimawh ni rawh se : KSU

Khasi Students' Union (KSU) chuan Assam sorkar leh Meghalaya sorkar chu ramri bul hnaia cheng mipuite himna leh an hmasawnna tur ngai pawimawh tura an duh thu an tarlang.

KSU general secretary Donald Thabah chuan ramri depa chengte harsatna tawh chu sawi langin, Meghalaya leh Assam-in ramri inchuh an neih avangin an ramriah insumdawn tawnna leh mipui chevel khuahkhirh a ni ṭhin a, hei hian ramri hnaiha cheng mipuite tan harsatna tam tak a thlen niin a sawi. Donald Thabah chuan state pahnih chu mipuite himna atan hmalak bakah, ramria cheng mipuite hmasawn nan theihtawp chhuah turin an duh thu a sawi bawk.

Thabah chuan ramria chengte'n harsatna an tawh ṭhin dan chu Langpih a thil thleng chu entir nan a hmang a, hei hian an ramri buai chu chinfel vat a ngai tih a tichiang niin a sawi. Hetiang buaina chhuak chingfel tur leh a bultumtute'n hremna an hmuh thuai theih nan chhui chhuah a, hremna pek a ngaih thu a sawi bawk a ni.