Assam : FSSAI-in eitur endikna tur an hawng

Food Safety Standards Authority of India (FSSAI) chuan Assam State Public Health Laboratory, Guwahati-ah eitur en fiahna thar, microbiology laboratory pakhat an hawng. Hemi bakah hian Food Safety on Wheels (FSWs) tia hriat, eitur en fiahna chikhat, hmun hrang hranga tlankuak thei tur 17 chu Assam-a hman turin pek a ni bawk. Heng hmalakna hian Assam huam chhungah eitur hrisel leh thianghlim neih a nih theih nan nasa takin a puih beisei a ni.

Prime Minister Narendra Modi chuan online-in microbiology laboratory leh Food Safety on Wheels (FSWs) hi a hawng a ni. Microbiology laboratory hi eitura natna hrik tê tak tê tê awm ṭhin hmuhchhuah nan a ṭangkai hle dawn a ni. FSWs hian hmanraw ṭha leh thawktu thiamna bik nei a ken tel dawn avangin eitur en fiah bakah eitur hrisel leh thianghlim ei a pawimawhzia an thehdarh ṭhin bawk ang.

Assam health minister Keshab Mahanta chuan Prime Minister leh Union Health Minister hnenah an state hriselna atana an hmalakna avangin lawmthu a sawi. An thil hawn thar, FSWs 17 leh microbiology laboratory siamna atan hian Rs vbc 13.11 sen a ni.