Meghalaya : GHADC hnuaia thawktute'n nawrh an huaihawt

Meghalaya-a Garo Hills Autonomous District Council (GHADC) hnuaia hnathawkte chuan hlawh an lak theih loh avangin Thawhṭanni aṭang khan ni thum awh tur nawrh an huaihawt.

GHADC hnuaia thawktute chuan hlawh an lak theih loh chhan chu thuneitute lamin an ngaihsak tawk loh vang niin an sawi. Ni thum chhung chu chawhma dar 10 aṭanga tlai dar 4 thleng sit-in demonstration an nei ṭhin dawn a ni.

Nawrh hi Non Gazetted Employees Association (NGEA) hmalakna hnuaiah huaihawt a ni a, thawktute hi Tura Government College field-ah pung khawmin an lungawi lohna hi an lantir a, thuziakte kengin thla 32 hlawh an lak tawh loh chu pe chhuak turin an ngen. NGEA lam hian hlawh an lak theih loh chhanah hian Council Executive Committee hotute chu a mawhphurtu ber an nih thu an sawi a, vawi tam tak an ngenna chu ngaihthlaksak an nih loh thu an sawi.

GHADC thawktute nawrh avang hian council hna kal lai mekte chu thawh chhunzawm theih an ni rih lo a, hnathawhna hmunte a ruah bakah chhiah khawn thlengin an chawlh rih a ngai a ni. West Garo Hills district administration, Meghalaya-in Tura-a GHADC pisa kawta nawrh a khap avangin college khelmualah nawrh hi huaihawt a ni.