Nagaland-ah Indian Institute of Science Education & Research din a ni dawn

Nagaland sorkar chuan Indian Institute of Science Education & Research (IISER) dinna atan ram acre 200 a zau chu a tifel. IISER din hian zirna lama hmasawnna a thlen mai bakah Nagaland chu India ram chhunga zirna in pawimawh awmna hmunah a chantir dawn niin Nagaland Governor chuan a sawi.

Governor, La Ganesan chuan Nagaland Assembly session-a thu a sawinaah sorkar laipui nen IISER din a nih theih nan ṭha taka an thawhho thu a sawi a, he zirna in din a nih theih chuan an state chhungah zirna sang zawk zir theihna kawng a inhawng dawn a ni, a ti. He zirna in dinna atan hian Sukhovi, Chumoukedima district-ah ram acres 200 chhuang a zau chu tihfel a nih tawh thu leh, he hmun hi kalpawh awlsam leh laili tak a ni tih Governor chuan a sawi bawk.