Meghalaya Tourism hmasawnna daltu inkalpawhna

India ram mai pawh ni lo Asia khawmualpuia lang phak Meghalaya chuan tourism lamah hma sawn viau mahse, inkalpawhna ṭhat tawk loh avangin harsatna an tawk mek. Mawsynram-Balat-Ranikor inkalpawhna te chuan duhthu a sam lo hle tih tarlan a ni.

Joint Action Committee Maw-synram Border Area (JACMBA) president Kyllang S Thong-ni chuan motor kawngpui leh thing hmanga lei dawh te chu hun rei tak chhung siam ṭhat lohin a awm tawh tih a sawi a, chu chuan khualzin te tan harsatna a thlen tih a sawi. Thawhṭanni khan Bus service pakhat chuan Balat-Ranikor inkarah, Riat-mawniuh-a thing hmanga lei dawh chu a zawh chim a ni.

Kum hmasa lam pawhin kawngpui chhia leh lei ṭha tawk lo avang hian chetsualna a lo thleng fo tawh tih Thongni chuan a sawi a, state PWD chu siam ṭha thuai turin kan ngen a ni a ti. Lei tam zawk hi chu a hlui tawh hlawm hle a, khual zin mai bakah hei lai hnaia cheng ten harsatna nasa tak an tawk tih a sawi a, a him tawk lo hle a ni a ti.

JACMBA te hian Nilai-ni khan PWD minister Sniaw-bhalang Dhar chu he mi chung chang hi an sawipui a, hma la thuai turin an ngen a ni.

JACMBA te chuan con-trac-tor pakhat chauhin he kawngpui siam ṭhat hna hi a thawk niin an sawi a, hna zawh hun tura ruahman chu kum tak tak tih khaw tlai a ni tawh tih an sawi.

Deputy Commissioner leh Superintendent of Police, East Khasi Hills district te hneah harsatna hi an thlen tawh a, JACMBA chuan mipuite chu fimkhur turin an ngen a ni.