Police leh hel inkap

Assam leh Meghalaya inrina bawrah Meghalaya police leh United Liberation Front of Assam (ULFA) hel an inkap a, police pakhat leh hel pakhatin nunna an chan.

An inkahna hmun hi Jira Adaldum huam chhungah a ni a, Assam-Meghalaya inrina Goalpara bul a ni. Police leh sipai te chuan helai bialah hian hel dap chhuah hna beihpui an thlak a, ULFA mi leh sa Pabitra Rabha pawh an that tawh nghe nghe. Police commando Swapan Nath chuan an inkahna-ah hian hliam a tuar ve bawk.

Hetih lai hian ULFA (I) chuan tun hnai khan Goalpara Assam-ah bomb an lo tibuak tawh bawk a, mi pathum an thih bakah midang 25 ten hliam an tuar a ni.