Grinder Muivah a thi

National Socialist Council of Nagaland (NSCN) thuchhuah chuan NSCN (IM) General Sec-retary Thuingaleng Mui-vah fapa Grinder Muivah chu April 6 khan New Delhi-ah lung ṭha lo vangin a boral tih an sawi.

Muivah hi a thih hian kum 57 a ni a, a nupui leh fate pali a kalsan. Muivah hi Ukhrul district-a Somdal khuah a piang a, kum 1995 khan sorkar laipui chuan Indo-Naga inbiakna neiturin palaiah a ruat a ni.

NSCN chuan Naga tana a thawhnate chu ropui an tih thu leh an zah thu an sawi a, kan mi leh sa a ni reng bawk ang an ti. Thlamuang taka a chawlh theih nan kan
ṭawngtai sak a, Pathianin hmangaihna leh lainatnain a lo kuangkuah ngei kan ring tlat a ni an ti.

Grinder Muivah sun-na hun hi Centenary Methodist Church, New Delhi-ah Nilaini khan hman a ni a, a mah ngai-sangtu leh uitu mi tam tak an pungkhawm. NSCN (IM) General Secretary Thuingaleng Muivah leh Interlocutor RN Ravi te chuan thlahna thuchah an sawi a ni. An ni bakah hian Retd General VS Atem, Sonia Muivah, TKLD, Bible Bhavan Christian Fellowship, NSUD, Dr. Yaruingam Awungshi, Board of Trustees, TCD, Naga Hoho leh Naga Peoples’ Movement for Human Rights te chu he hunah hian an tel a ni.

Rev. Dr Mathanmi Zimik chuan inkhawm a kaihrui a, TCD Choir ten thlahna hla an sa. Naga Hoho General Secretary Mutsikhoyo Yhobu chuan, "Grinder Muivah hi mi
ṭha tak, Naga tana theitawp chhuahtu a ni a, hriatreng a ni tawh ang" a ti.