Gogoi-an BJP puhna chhanglet

Assam Chief Minister Tarun Gogoi chuan eptu party, BJP ten ṭhenawm ram Bangladesh aṭanga dan loa lutte hum ṭhin anga a puhna chu na takin a chhanglet.

Gogoi hian press confe-rence-ah thusawiin, Bangladesh mi dan loa lutte hum ṭhin ni ila BJP sorkar hian Assam-a Congress sorkar chu a ṭhiat tawh ngei ang. BJP chuan Bangladesh mi ka hum tih finfiahna an nei lo, dawta inpuhna a ni a, kan sorkar hian kawng diklo zawh nise chuan BJP sorkar in President's Rule-ah a puang daih tawh ang a ti.

Gogoi hian BJP chu inthlan boruakah chauh ram dang aṭanga dan loa lut chu an sawi chhuak niin a sawi a, an chaw tui ber a ni a ti. Sorkarna siam ngat se an sawi chhuak tawh kher lo ang a tibawk. Lok Sabha election neih hma khan he mi chungchang hi BJP chuan an auhla pakhat a nih thu leh inthlanzawh a nih hnuah an sawizui loh thu a sawi bawk.

BJP hian Assam-a Congress sorkar chu Bang-ladesh aṭanga dan loa lut ngaihthah leh vote duh vanga hum ṭhin niin an puh a ni.