Meghalaya CM-in Williamnagar lei hawng

Hun rei tak chhung siam a nih hnuah Williamnagar lei chu Meghalaya Chief Minister Mukul Sangma chuan a hawng ta. Chief Minister hi PWD Minister Sniawbhalang Dhar leh Social Welfare Minister bakah MLA Debora Marak te'n an ṭawiawm a ni.

Williamnagar lei sei zawng hi metre 203.29 a ni a, Meghalaya state-a lei sei ber a ni. Lei dawh hna hi state PWD chuan a thawk a, March 25, 1986 khan bul
ṭanin, sum sen zawng zawng hi vaibelchhe 1.4365 a ni. Harsatna eng eng emaw vangin zawh hun hi tihkhawtlai a ni a, kum 30 dawn lei dawh hna hi thawh a nih hnuah kumin march thla khan hawn theiha peihfel a ni ta a ni.

Lei hi Williamnagar leh Chokpot inkalpawhna pawimawh tak a ni. Chief Minister chuan Williamnagar - Chokpot via Cherangre project thar kalpui tur lungphum a phum nghal bawk. Mukul Sangma chuan, "Williamnagar lei hawn a ni ta chu lawmawm a tih thu a sawi a, a bul hnaia chengten an
ṭangkaipui ngei a beisei thu leh an state tana thil chhinchhiah tlak tak a ni" a ti. Chief Minister hian hel chhungchang sawi chhuakin, mipuite chu sorkar thlawp tlat tur leh ṭanrual a tul thu a sawi a ni. Sorkar chuan hel te nen inbiakna neih a duh tih a sawi a, mipuite thlamuang taka an awm hi sorkar chuan a duh a ni a ti.

Hun hman zawh a nih hnu hian ADB sum hmanga sak tur Greenyard Secondary School chu Sangma hian a hmunah kalin an hnathawh te a enpui a ni.