TPCC ten nawrh huaihawt dawn

Tripura Pradesh Congress Committee chuan Nilaini khan thuchhuah siamin, April 18 khian darkar 24 awh nawrh an huaihawt tur thu an sawi. Chief Minister Manik Sarkar chu a cabinet minister zing a mi, Bimal Sinha leh hel inzawmna nei tih hre reng chunga ban ngam loah an puh.

TPCC te hian Health Minister hlui Bimal Sinha thih danah Yousuf Commission-in a chhuina report chu rintlak lohah ngaiin CBI chhui tir an phut a ni.

Party president Birajit Sinha chuan Manik Sarkar hian Sinha chu helpawl ṭhenkhatte nen an inzawm tih hre reng chungin a haider niin an sawi a, tihtawp tumin hma la loah a puh bawk. Birajit Sinha chuan chief minister Sarkar chu bang turin kan phut a ni a ti. Yousuf Commission report kum 2000-a tih chhuah tawh si kum 16 chhung zet mai mipui hriata puanzar a ni lo chu an hriatthiam loh thu a sawi. Hei hi mipuite bum tumna a nih thu leh Bimal Sinha leh a unaupa Bidyut Sinha te, March 1998-a thah an nih dan zep ruah sorkar chu an puh bawk.

Yusuf Commission report hi Congress party chuan House-ah sawiho phutin House an chhuahsan a, Assembly Speaker Ramendra Chandra Debnath chuan budget session zawhni, April 7-ah sawiho a nih tur thu a sawi.

Opposition leader Sudip Roy Barman chuan Bimal Sinha chungchang hi House-ah hian a sawichhuak a ni.