Prime Minister-in ni hnih chamin Assam tlawh dawn

Prime minister Narendra Modi chuan tun thla ni 8 hian ni hnih cham turin Assam a tlawh dawn. PM Modi hi March 8 tlaiah Kohora thleng tura beisei a ni a, hetah hian zan riakin a tuk zingah park leh a chhehvel a fang kual ang. Hemi hnu hian Jorhat lam a pan dawn a ni.

Assam Forest and Environment Minister, Chandra Mohan Patowary chuan kartir lam khan Kaziranga National Park tlawhin hotu pawimawhte nen Prime Minister lo zin tur chungchang hi sawihona hun an hmang. He hunah hian Prime Minister in safari hmanga park a tlawh kual dan turah ruahmanna an siam nghal bawk.