Guwahati-ah hmarchhaka human milk bank hmasa ber hawng

Guwahati-ah human milk bank hawn a ni a, hei hi hmarchhak biala a hmasa ber a ni. Rampuma human milk bank 15-na a ni. 

Milk bank hi nu hnute tui dahṭhahna tur niin, hei hi nau piang hlim leh chaw ṭha ei tur nei lo nausente pek ṭhin an ni. He bank hi private Satribari Christian Hospital-in Rotatry Club puihnaa a siam a ni. 

Hospital paediatrician Devajit Kumar Sharma chuan nu hnute tui chu nausen tana chaw ṭha ber a ni tih a sawi a, mahse chhan hrang hrang avangin nau piang hlim ṭhenkhat chuan an mamawh ang hnute tui hi an dawng lo ṭhin a ni, a ti. Hei vang hian nausen piang hlim leh, naupang an mamawh ang chaw ṭha hmu thei lote tan nu hnute tui dahkhawlna ṭha tak siam hi a ṭul tih a sawi.