Assam state inthlan thawh hnihna nei dawn

Assam state inthlanpui thawh hnihna chu Aril 11 hian neih a ni leh dawn a, party hrang hrang te inbuatsaihnain a vawrtawp a thleng chho mek. Inthlan thawh hnihna-ah hian a hma ang thoin party lian pahnih, rorel lai Congress party leh PBJ te chuan boruak an nei lian hle a, kawng hrang hrangin an inbei chho mek. Central-a party hruaitu lawk te chuan Assam inthlan hi an bengkhawn hle a, a hmunah kal chilhin campaign an nei.

Inthlan thawh hnihna-ah hian ṭhenawm ram Bangladesh aṭanga Assam-a dan loa lut leh khawsa chungchangin sawi an hlawh hle a, party hrang hrang ten inchirhtheh nan an hmang a ni. BJP chuan Congress chu heng mite hum leh an vote duh vanga khawi ngamah an puh. Congress lamin BJP sorkar chu Assam-a dan lo a lut ven kawngah leh tihtawp a nih theih nana hma la tawk loah an puh let ve thung.

Hei bakah hian Modi-a sorkar chu Assam state hmasawnna daltu ang hialin an puh a ni.

National Register of Citizens (NRC) neih a nih khan Bangladesh aṭanga dan loa Assam-a lut leh cheng engemaw zat hming a chuang niin an sawi.

Prime Minister Narendra Modi chuan an sorkarin heng mite hi a do tlat tih a sawi a, ram lei lung fate hamṭhatna an chan a rem tilo niin a sawi. He tih lai hian Assam Chief Minister Tarun Gogoi chuan BJP hian a ngaihthah lui niin a sawi ve thung.

Gogoi chuan Union Home Minister Rajnath Singh pawh hmer telin, election campaign laiin Indo-Bangla border chungchang-ah hma lak a tiam nia sawiin, tun thlengin hmalakna a la awm lo a ni a ti.