National Handloom Expo Tripura-ah neih a ni

National Handloom Expo- 2016 chu Purbasha ground Tripura-ah neih mek a ni a, ni 15 chhung a awh ang. Handloom Expo hi Agartala chuan ṭum riat a thleng tawh. Ministry of Textiles and Department of Handlooms, Handicraft and Sericulture of Government of Tripura hnuaia Development Commission for Handlooms hma laknain he Expo hi buatsaih a ni.

Expo-ah hian dawr 60 hawn a ni a, India ram state Haryana, Uttar Pradesh, Jammu and Kashmir, West Bengal, Chhattisgarh, Bihar leh Tripura te an tel a, kut them thiamna thil siam chhuah chi hrang hrang pho chhuah a ni. Buatsaihtute chuan he Expo-in a tum ber chu entrepreneur-te tana chona siam leh hma an sawn theihna tura hmalakna a nih thu an sawi a, an thiamnate mipui hmuh theiha pholan chu an tum a nih thu an sawi. India ram state dang aṭanga lo kal te chungah lawmthu an sawi a, hei hian Expo hlutna hi a tichiang hle a ni an ti.

Handloom Weaver Hiranmala Debbarma chuan, an thil phochhuahte chu mipuiten an hlut thu leh an hralhna ṭhat thu a sawi a, chhunzawm zel ṭha a tih thu a sawi. He hun chhim tur hian hmun hrang hrang aṭangin pantu an awm nual a ni. Expo chhimtute chuan Tripura chu state ralmuang tak a nih avangin nuam an tih thu an sawia, an thil pho chhuahte a ṭhat avangin chunzawm zel ni thei se an duh thu an sawi. Tripura chu state lian lo tak ni mahse Expo hian hlut a hlawh hle a, tlawhtu te chuan an thil siam chhuah te chu lei man hla tak a ni Nitya Deb Roy chuan a ti. He Expo-ah hian Mau aṭanga siam thil chi hrang hrang pho lan a ni bawk.

Tripura-ah hian handloom hmanga ei zawng mi nuai 1.4 vel an awm a, India ram pumah hian mi nuai 76 vel te chuan eizawn nan an hmang a ni.