AP CM-in Modi hmu

Arunachal Pradesh Chief Minister Kalikho Pul chuan Nilaini khan Prime Minister Narendra Modi chu New Delhi-ah a hmu. Pul hian Modi-a hnenah hian an state harsatna hrang tawhte a thlen a, hmalakpui turin a sawm a ni.

Prime Minister hian Arunachal Pradesh hmasawnna hmuh theiha awm mek chu lawmawm a tih thu Pul hi a lo hrilh a, kawng hrang hranga hmalakpui a hreh loh thu leh an tan kawng a inhawn thu a lo hrilh a ni. AP chu ramri depa awm a nih avangin kawng tam takah harsatna an tawk tih Pul chuan a sawi a, ramri chu an harsatna tawh lian tak a nih thu a sawi.

China chuan an ramri hrulah te inkalpawhna kawngpui ṭha tak a siam thu leh, thlawhna ṭum hmun changtlun tak a dah thu te Modi hnenah hian a thlen. Pul hian lei dawh belh ngai a tam thu te, water supply, health facilities, education, power leh communication-ah te hmalakpui turin a sawm a ni.