Hmarchhak state zingah Mineral-ah Nagaland hausa

Hmarchhak state zingah Nagaland chu mineral-ah a hausa hle niin tunhnai khan tarlan a ni. Nagaland-ah hian lungalhthei, chinai lung, nickel, cobalt, chromium, magnetite, darsen, zinc bakah tunhnaiah platinum, tuialhthei leh boruakalhthei-te hmuhchhuah belh a ni.

Annual Administrative Report 2014-15 of the Nagaland State Mineral Development Corporation Ltd. (NSMDC)-in a tarlan dan chuan mineral reserve tam tak a awm a, chung zingah chuan Petroleum leh Natural Gas reserve million tonne 600 lai a awm a ni. Hengte hi Nagaland leh Assam border vela awm a ni. Lungalhthei hi Tuensang, Mon leh Mokokchung district-ah a tam a, Limestone leh marble reserve million tonne 1000, Magnetite, Nickel, Cobalt leh Chromium thahnem tak laih chhuah loh a awm.

Heng bakah hian Phek, Kiphire leh Tuen-sang district-ah te chuan leilung hausakna lakchhuah loh tam tak a awm nia tarlan a ni.

Nagaland sorkar chuan kum 1981 khan Companies Act 1956 hnuaiah NSMDC hi a lo din tawh a, a tum ber chu Industry tih hmasawn leh leilung hausakna zawn chhuah leh lakchhuah a ni.