Tripura-ah NLTF helte BSF kutah inpe

National Liberation Front of Tripura (NLFT) mi leh sa pariat te chu Pathianni khan BSF kuatah an inpe. Hel te hian ram dang siam silai leh a mu eng emaw zat an hlan tel bawk.

Border Security Force deputy commandant Lakshya Mehta chuan, National Libe-ration Front of Tripura (NLFT) mi leh sa te hi Bangladesh atangin Tripura-ah hian an lut a, BSF te kuatah hian an inpe ta a ni. Hel te hian rifle, AK-series rifle, China siam grenade pathum leh silaimu bakah puak thei thil te an hlan tel a ni. BSF official-in a sawi dan chuan, NLFT te hian in enkawlna tur sum an tlachham niin a sawi a, heng mite pawh hi BSF te kutah hian an inpe ta a ni a ti.

He tih lai hian NLFT leh All Tripura Tiger Force (ATTF) te chuan arm training camp Bangladesh ram chhungah an nei niin an sawi a awm a, an trainning-na hmun hi Tripura ramri atanga km 856 vel a ni. Hmarchhak biala hel pawl hrang hrang te dap chhuah hna hi sorkar laipui chuan a thawk ve reng a, tun hnai khan Maghalaya sorkar nen tang kawpin hel an kahhlum bakah an kut atang hian ralthuam leh puak thei thil tam tham tak an man tawh a ni.