Nagaland-a RMSA Candidate te lungawi lo

Rashtriya Madhyamik Shiksha Abhiyan (RMSA) hnuaia Written Exam 2014-a inziak tling za chhuang zet ter chuan tun thlenga appointment order tichhuah a la nih loh avangin lungawi lohna an lan tir. Candidate te hi RMSA Nagaland, Old Secretariat, Kohima kawtah pung khawmin appointment order tichhuak vat turin an au rual bakah thuziak te an keng a ni.

Candidate 110 te hi RMSA hnuaia secondary teacher tura inziak tling te an ni. Education department chu hma la chak tawk loah puhin nawr zel an tum thu an sawi a, first phase a mi te appointment chu tih fel tawh a ni an ti. He tih lai hian second leh third phase-a candidate te appoinment tun thlenga tihfel a la nilo chu an hrethiam lo tak zet a ni. Candidate zinga then khat chu appointment tih khawtlai a nih vang hian kum bithliah zat an pel tanh hial niin an sawi bawk.

RMSA hnuaia secondary teacher lakna tur advertisement chu December 14, 2013 khsn tih chhuah a ni a, written exam chu May 24, 2014 khan neih niin, June 27, 2014 khan result tih chhuah a ni. Viva Voce chu July 2015 khan neih leh niin final result chu November 30, 2015 khan puan a ni.