NGT-in Meghalaya sorkar hriattirna pe

National Green Tribunal chuan Meghalaya sorkar hnenah hriattirna pein May 15 hnu lamah chuan lungalhthei thawnchhuah a khapsak dawn tih a hriattir.

National Green Tribunal hian hun rei tak chhung chu Meghalaya-ah hian lungalhthei lakchhuah leh thawn chhuah te chu a lo khuahkhirh tawh a ni.

Meghalaya-ah hian dan loa lungalhthei khur nei mi eng emaw zat an awm a, heng mite hi state sorkar chuan NGT hnenah hian an hming a lo pe lut tawh nghe nghe a ni.

State sorkar hian lungalhthei aṭanga chhiah a hmuh sorkar laipuia a chhun tur angte a pe
ṭha lo nia tarlan a ni. Kum 2015 December 23 khan green panel chuan lungalhthei te chu May 15 thleng thawnchhuah a phalsak a, February 15 hma ngei a royalty pe turin a hriattir bawk. Nimahsela Meghalaya sorkar chuan National Green Tribunal hnenah hian fur hma ngeia lungalhthei laihchhuah sa te chu thawn chhuah phalsak turin a ngen a, thawn chhuah a ni loh chuan an rama lui chu nasa takin a bawlhlawh dawn niin a sawi.