Manipur-ah JCILPS te an hrang

Manipur-a Joint Committee on Inner Line Permit System (JCILPS) leh a thurualpui civil society group te chuan Manipur police kutah ram dang aṭanga an state chhunga lut mi 250 an hlan.

JCILPS thuchhuahin a tarlan dan chuan heng mite hian Imphal leh a chhehvelah dan loa hna thawkin an khawsa tih an sawi a, heng mite hi dapchhuakin police kutah hlan an nih thu an tarlang a ni. JCILPS hruaitu Khomdram Ratan chuan, Inter State Migrant Workmen (Regulation of Employment and Conditions of Services) Act, 1979 tlawh chhanin heng mite hi man an ni a ti a, hmun dang aṭanga phalna neilo a lo lut te an nih thu a sawi bawk. Heng mite hi Bangladesh
aṭanga rawn lut an nih loh thu rerport chuan a tarlang.

Labour department official chuan an mi mante zingah hian phalna dil an awm tih a sawi a, hetih lai hian JCILPS te hian company hnenah suspend tur leh work permit an neih lohna turin hma a la niin an tarlang ve thung.