Assam CM-in hmasawnna ruhrel dinna tur project hawng

Assam chief minister Himanta Biswa Sarma chuan Thawhṭanni khan hmasawnna ruhrel dinna tur hrang hrang a hawn bakah hna thawhna tur lungphum a phum bawk. Hmasawnna hna thawhna tur project hrang hrang atan hian Rs. vbc. 1,208 ruahman a ni.

Assam CM-in hnathawh tur hrang hrang a hawnte chu - Guwahati leh North Guwahati kalpawhna tur bridge km 1.2 a thui 3-lane flyover (Rs. vbc. 326.01), khum 100 awmna tur Azara district hospital (Rs. vbc. 116), LGBI Airport panna kawng 2-lane aṭanga 4-lane-a siamna tur leh hemi kawng chei ṭhatna tur (Rs.vbc. 358) leh Gauripur T Junction siam ṭhatna tur (Rs. vbc. 408)-te an ni.

Heng bakah hian CM Sarma hian Guwahati leh North Guwahati awlsam taka inkalpawh a nih theih nan Brahmaputra lui chunga lei dawh kai an tum mek thu a sawi a, he hmalakna hi a puitlin hun chuan traffic tawt lutuk a tihziaawm a beisei thu a sawi. Sarma chuan tun hnaiah Modi kaihhruai sorkar hnuaia hmasawnna an neih hrang hrangte chu thu a sawinaah a tarlang tel bawk a, chung zinga pakhat Guwahati chhunga veivah awlsam nana an hmalakna neihte chu sawi langin chu chuan khawpui chhunga traffic tawt lutuk a tiziaawm niin a sawi.