Nagaland-ah ILP endik, dan bawhchhia mi 495 hmuchhuak

Nagaland police leh district administration ṭangkawp chuan kar liam ta, March ni 6-8 chhung khan Kohima district-ah Inner Line Permit (ILP) endikna an nei a,dan bawhchhia mi 495 hmuhchhuah an ni.

ILP enfiahnaah hian an permit tawp tawh leh ILP nei lo hrim hrim mi eng emaw zat hmuhchhuah an ni. Bengal Eastern Frontier Regulation (BEFR),1873 hnuaia section (2), (3) leh (4)-in hremna dan a siam chu dan bawhchhiate hrem nan hian hman a ni a, hremna tawkte pawisa chawi tling khawm hi Rs nuai 2.15 niin, sorkar sum bawmah chhun luh vek a ni.

Kohima district-ah hian dan loa an state chhunga lutte leh ILP dan bawhchhiate endiktu tur Task Force din a ni a, anni hian a khat tawkin state chhunga ram dang mi awmte hi an enfiah ṭhin.