Arunachal-ah 'Aqua museum' hawn a ni

Arunachal chief minister Pema Khandu chuan an state-a 'Aqua museum' hmasa ber a hawng.

He museum hawn tharah hian Arunachal chhunga sangha awm chi hrang hrang dah a ni dawn a, sorkar laipui nena ṭang duna siam niin Tarin (Ziro), Lower Subansiri district-ah siam a ni.

CM Khandu chuan X-ah thuchhuah siamin, Aqua museum hawn thar chu nungcha hmuhalh kawnga hmasawnna pawimawh tak a nih bakah mipui zirtirna kawnga hmalakna ṭha tak a ni dawn niin a sawi. An state chhungah lui lam nungcha chi hrang hrangte phochhuahna hmun pawimawh tak a ni dawn tih sawiin, hemi bakah hian tuihna humhalh a ṭulzia inzirtirna hmun a ni dawn tih a sawi bawk.

Arunachal Fisheries Minister Tage Taki chuan kum 2022 khan hmarchhaka a hmasa ber ni turin 'fish museum' an siam dawn tih a lo puang tawh a, kuminah an zo fel thei ta a ni. Prime minister Narendra Modi chuan PM Matsya Sampada Yojana hnuaiah state leh Union Territory zawng zawngah 2029 ral hmain Integrated Aqua Park siam vek a nih tur thu a lo puang tawh a ni.