Sikkim-ah Nar Bahadur Bhandari fellowship scheme tlangzarh

Sikkim chief minister hlui Nar Bahadur Bhandari hriatrengna puala Nar Bahadur Bhandari scheme siam chu a pian champha vawi 80-na,Thawhṭanni khan chief minister Prem Singh Tamang chuan a tlangzarh. 

Chintan Bhawan-a hun hmanah hian CM bakah deputy speaker Sangay Lepcha, cabinet minister te, sorkar mi pawimawh leh department hrang hrang hotute an tel. 

NB Bhandari Fellowship Scheme hi Sikkim-a zirlai thiamthei leh hmabak nei ṭha te tan khawvela university ṭha 20 zingah an zir zawm theihna tur remchang ngaihtuah sakna tura duan a ni. 

CM Tamang chuan NB Bhandari chu hruaitu ṭha tak a nih bakah, modern Sikkim dintu a ni, a ti. An state leh mipuite tana a inpekna leh a hnathawhte chu hriatreng a nih tur thu a sawi. India Constitution-a 8th Schedule-a Nepali ṭawng telh a nih theihna chhan pawh a thawh rah vang a ni tih a sawi. A hnathawh ropui tak avangin amah chawimawina lantirna atan nikum aṭang khan a pianchampha chu gazetted holiday-a puan a nih thu a sawi bawk.