Manipur assembly seat pathuma by-election neih hun puang
Election Commission of India (ECI) chuan Manipur-a assembly seat pathumah November 7-ah by-election neih a ni dawn tih a puang.
September 29 khan commission chuan Manipur-a seat pahniha by-election neih hun tur a lo puang tawh a, nimin khan bial pathumah inthlan neih hun tur hi a puan belh leh a ni.
By-election neihna turah hian vote thlak ni a in ang vek dawn a, November 7-ah vote thlakin November 10-ah ram chhung hmun danga by-election neihna te nen a rualin vote chhiarin, result puan a ni ang.