Sikkim leh Arunachal-ah vote chhiar hun sawn hma

Election Commission of India (ECI) chuan Sikkim leh Arunachal Pradesh assembly inthlana vote tla chhiar hun atan June 4 lo ruahman tawh mah se,remchan zawkna avangin heng state pahniha vote chhiar hun chu June 2-ah a sawn.

ECI chuan vote chhiar hun tur sawn hma a nih chhan hi Sikkim leh Arunachal-a legislative assembly-te hun a zawh hmaa inthlan leh a kaihhnawih thil hrang hrangte chu zawhfel an duh vang niin an tarlang. He hriattirna an siam thar hian state pahniha assembly inthlan chauh hi a huam dawn tih tarlangin, Lok Sabha inthlana vote tla erawh a hun ruat pangngaiah chhiar a ni dawn tih an sawi.