CCF thihna chungchangah rinhlelhawm a awm lo : Meghalaya Police

Meghalaya Chief Conservator of Forest, N Luikham thihna chungchangah rinhlelh tur engmah an hmu lo tih Meghalaya Police-te chuan an sawi.

IFS officer, N Luikham hi ama chenna inah thia hmuh a ni a, Indian Forest Service Association’s (IFSA) chuan an thawhpui thih dan chhui chian hna hi Central Bureau of Investigation (CBI) kuta dah an duh thu Meghalaya chief secretary hnenah an lo thlen tawh a ni.

East Khasi Hills Superintendent of Police, Rituraj Ravi chuan Luikham thihna chu an chhui chian thu sawiin, thil engmah rinhlelhawm an hmuh loh thu a sawi. SP hian an hnuchhuinaa pui thei tur eng emaw hria an awm a nih chuan police hnena hrilh hre turin mipuite a ngen bawk.