Manipur : Congress candidate-in silai hmanga beih a tawk

Lok Sabha inthlan neih tura Manipur-a Congress candidate, Alfred Kanngam Arthur chu TK Woodland Resort-a meeting an neihna hmunah silai hmanga beih a ni. Arthur beitute hi tute nge an nih hriat a ni lo a, Alfred Kanngam Arthur hi hliam tawk loin a chhuak thei hlauh a ni.

Manipur Pradesh Congress Committee (MPCC) president, K Meghachandra chuan thil thleng chu a dem takzet tih sawiin, hetiang thil avang hian an state chhungah inthlanna dik leh felfai an neih rin a har hle niin a sawi. MPCC president chuan state sorkar chu thleibik nei loa dan leh hrai kengkawh turin a ngen a, TK Woodland Resort a thil thleng chu uluk taka chhui chian a phut bawk. Hemi bakah hian mimal ralthuam kawl zawng zawngte chu inthlan tibuai thei zawnga chet la lo turin a ngen bawk a ni.

Alfred Kanngam Arthur hi Ukhrul constituency MLA hlui niin, kumina Lok Sabha inthlan neih turah hian Congress aiawhin Outer Manipur Parliamentary constituency-ah a ding dawn a, he bial hi tribal tana hauh bik bial a ni.