Khawvela khawpui boruak bawlhhlawh ber pahnihna Guwahati

Assam state khawpui, Guwahati chu World Air Quality Report, IQAir-in kum 2023 chhunga khawvela khawpui (metropolitan city) hrang hrang boruak bawlhhlawh a tehnaah khawpui boruak bawlhhlawh ber pahnihna a ni. Begusarai, Bihar-a mi chu khawvel khawpui boruak bawlhhlawh ber a ni.

Guwahati-ah hian PM2.5 chu kum khat chhunga chawhrualin 105.4 laia sang a ni reng a, hei hi World Health Organization (WHO)-in a him china a sawi aiin a let 10 chuangin a sang zawk a ni. Khawpui boruak a bawlhhlawh chhan hrang hrang zingah lirthei khu leh insakna hmun aṭanga boruak ṭha lo pek chhuahte chu a chhan langsar tak a ni.