AP kawngpui tihhmasawnna tur project pathum sorkar laipuiin a pawm

Ministry of Road Construction and Highways chuan Arunachal Pradesh-a inkalpawhna ṭha a awm theih nan kawngpui ṭha siamna tur project pathum a pawm. Heng project atan hian Rs. vbc. 1,871 ruahman a ni.

Project pathum pawm takte hi - Rs. vbc. 1.211.35 senga Huri-Taliha aṭanga Kurung Kume district-a intermediate lane kawngpui km 49.150 a thui siamna tur, Rs. vbc. 244.39 senga Kharsang - Miao Gandhigram Vijaynagar kawng aṭanga Changlang district-a intermediate lan panna kawngpui km 17.8 a thui siamna tur leh, Rs. vbc. 415.37 senga Bomdila- Nafra-Lada aṭanga West district panna kawng km 15.14-a thui siamna turte an ni.

Arunachal-a inkalpawhna ṭha neih hi sorkar laipui hian a ngai pawimawh hle. Project pathum pawm takte hmang hian inkalpawhna ṭha zawk an neih ngei rin a nih bakah state sum leh pai dinhmunin hma a sawn theihna atan pawh a ṭangkai ngei beisei a ni bawk.