Sorkar hnathawk lak thar leh dah ngheh tharte'n hlawh an lak loh chuan min kap thei ang : Sikkim CM

Sikkim chief minister, Prem Singh Golay chuan an party inhmuh khawmna Dentam, West Sikkim-a thu a sawinaah, sokarin a hnathawk a lak thar leh an dah ngheh tharte chu a kaihhruai sorkarin hlawh a pe chhuak thei lo a nih chuan Sikkim mipuite chuan an kap (shoot) thei ang tih a sawi.

Sikkim CM hian budget session neih zawh taka sorkar hnathawkte hlawh tur, budget-a dah hran a tlem nia sawiselna chu a chhang let a ni. Golay chuan budget session neih zawh taka vote on account an pass-ah chuan sorkar hnathawkte enkawltu Department of Personnel tan bik, Rs. vbc. 50 dah a nih thu sawiin, department hrang hrang tan Rs. vbc. 25 an dah bawk thu a sawi. 'Kum nga chhung kan lo tih tawh angin sorkar hnathawkte chuan a hun takah hlawh an la vek ang, chumi chu sorkar anga kan mawhphurhna pawh a ni,' a ti.

CM Golay chuan sorkar hnathawk lak thar leh a ngheta dah mi 29,000 chuang an neih thu sawiin, eptu lam chuan hnathawktu lak tharte hlawh chu khawia mi nge an pek ang tiin zawhna an siam a, mahse, state sorkar sum bawma mi chu mipui tana hnathawktu tur lak nan an hman tur thu a sawi a ni.