Assam : Sikul kai dan chhinchhiah nan Shiksha Setu app hmang dawn

Assam state chhunga zirtirtute leh zirlaite sikul kai dan chhinchhiahna turin Shiksha Setu app hman a ni dawn. Department of School Education chuan Shiksha Setu app hi hman ngei ngei a ngaih thu an tichhuak.

Mission Director of Samagra Shiksha, Assam Om Prakash chuan Nilaini khan hriattirna tichhuakin, April 1, 2024 aṭangin Shiksha Setu app chu zirtirtute leh zirlaite sikul kal dan chhinchhiah nan hman a ni dawn a ni, a ti. He hmalakna hmang hian mawhphurhna hlen kawnga hmasawnna neih beisei a nih bakah state chhunga zirna inah zirtirtu leh zirlaite kal ṭhat dan en fiah emaw vil kawngah a puih ngei beisei a ni.

Sorkar thuchhuahah hian an thupekin a huam tur mi hrang hrang, a bikin district leh sub-district level a education official-te chu Shiksha Setu app lo belchiang tura hriattir an ni. App hman kawnga harsatna tawk emaw, thil fel lo a awm emaw a nih chuan March 23 ral hmain an harsatna tawh hriattir tura ngen an ni bawk. Shiksha Setu app chuan Android-a awm, Google location services in-built library chu awmna hmun hriat nan a hmang dawn a ni.