Manipur-ah Cheiraoba Festival hmang

Nilaini khan Manipur-ah Cheiraoba Festival hman a ni. Cheiraoba Festival hi kum hlui thlah nan leh kum thar lawm nana hman ṭthin a ni.

Festival lawm nan hian thei, pangpar leh an thil thar chhuah te chu Pathian hnenah an hlan ṭhin. Chhungkaw tin ten a bik takin eitur an siam ṭhin a, an ei hmain Pathian hnenah an hlan a, an ei ve chauh ṭhin a ni. Hei hi Pathian hnena an lawmthu sawina a ni. Festival hi hlim takin an hmang ṭhin a, chhun leh zanin infiamna te neiin hun an hmang ṭhin.

Chief Minister Okram Ibobi Singh chuan Cheiraoba festival hi kum hlui leh kum thar chhin chhiahna a ni tiin, mipuite chu chibai a buk. Kum thar chuan boruak duhawm tak her chhuahpui se a duh thu chief minister chuan a sawi a, hmasawnna leh hamṭhatna chang turin mipuite duhsakna a hlan a ni.

Rajya Sabha MP Abdul Salam chuan hnam hrang hrang, sakhaw tin te chu duhsakna a hlan ve bawk.