Nagaland-ah Food Security Act June atangin hmang dawn

Nagaland sorkar chuan National Food Secuty Act (NFSA) chu June 1 aṭangin a hmang ṭan dawn.

Union Minister for Consumer Affairs, Food and Public Distribution, Ram Vilas Paswan chuan he thu hi Inrinni khan a puang. Dimapur-a Nagaland Armed Police Training Centre (NAPTC)-ah press conference neiin he thu hi a puang a ni.

April 15 khan Paswan leh State Chief Minister TR Zeliang chuan NFSA chungchang hi an sawidun a, June 1 aṭanga hman ṭan turin thtlukna an siam a ni. Nagaland-ah hian NFSA hi phase-wise a kalpui tur a ni dawn a, a thawk khatnaah hian Kohima leh Dimapur district te a huam ang. July 1 aṭangin district dang zawngah kalpui
ṭan a ni ve thung dawn a ni.

Nagaland-ah hian AADHAR card nei 65% an awm mek a, Ration card thar siam tur hi online-a kalpui tum a ni. Paswan chuan langtlang taka kalpui a nih tur thu a sawi a ni. Hill Transport Subsidy Scheme chu Nagaland-ah hian kalpui tura hmalak mek a ni,a ti bawk.