Meghalaya CM-in nihna kalsan hreh

Chief Minister Mukul Sangma chuan an party-in amah thlaktu tur a ai ṭha a hmu a nih chuan a nihna chu kalsan a hreh loh thu a sawi.

Chief minister chuan a nihna chu kalsan pawh ni se BJP a zawm loh tur thu a sawi a, thlahtute
aṭanga Congress chhungkua an nih thu sawiin, an party chhuahsan tumna a neilo tih a sawi. Mukul Sangma hi tun hnaiah sawiseltu an awm nual a, hei hi amah pawhin hriain a nihna chelh mek chu kalsan a hreh loh thu a sawichhuak ta a ni.

BJP hruaitu Nalin Kohli chuan Meghalaya-a Congress party chhungah buaina awm angin a sawi a, chu chu Sangma hian chhangin, Meghalaya chu state dang zawng aia politics inlum let nasa a nih avangin thil sawi awm loh a nih loh thu a sawi.

Hetih lai hian Chief Minister Mukul Sangma chuan minister hlui Fran-kenstein W Momin-an party chhunga buaina awm anga a sawi chu a pha thung.