NE Textile tihchangtlun nan vaibelchhe 1,038

Sorkar laipui chuan hmarchhak biala textile tihchangtlun nan cheng vaibelchhe 1,038 a ruahman.

Union Ministry of Textiles hnuaia North-East Region Textile Promotion Scheme (NERTPS) project hian hmarchhak bialah textile sector tih hmasawn a, tih changtlun chu a tum ber a ni a, hei hian hna tam tak a siam dawn a ni.

North-East Region Textile Promotion Scheme hnuaiah hian hmarchhhak state pariat te chu ‘Apparel and Garment Making Centre’ (AGMC) dinna tur vaibel-chhe 18 ṭheuh a ruahman sak a, state ṭhen khatah chuan hawn a ni tawh nghe nghe. Textiles Secretary Rashmi Verma chuan hmalakna hi kalpui zel a nih thu a sawi. AGMC hmasa ber chu Nagaland-ah April 6 khan hawn a ni a, April 8 khan Tripura-ah hawn ve leh a ni.

Tunah hian state dang parukah te project hi kalpui leh mek a ni a, AGMC hi peih fel vek a nih hunah chuan hmasawnna ropui tak a nih tur thu Rashmi Verma chuan a sawi.

AGMC din a nih chhhan chu hmarchhak hmasawnna ngai-pawhmawh vang a ni a, hmarchhak state aṭanga hmun danga hna zawnga chhuak ṭhin tih tlem tumna a ni bawk. Japan siam puanṭhuina khawl chu AGMCs zawng zawng hian dah a ni ang.

Hemi atan hian Tokyo-a hmunpui nei Juki company chuan hma a la mek a ni. Puanṭhui khawl 300 zinga 200 hi hralhchhuah tur thawmhnaw ṭhuina atana hman tur a ni dawn a, a dang 100 chu training-na atana hman a ni ang. AGMC hian hnathawktu 1,200-1,500 a mamawh dawn a a ni.