ISIS zawm tum IIT-Guwahati zirlai man a ni

IIT-Guwahati-a Biotechnology zirlai pakhat chu ISIS helpawl zinga tel ve a chak thu leh anmahni zawm tura kal a tum thu social media lama a post avangin man a ni.

He zirlai hian social networking platform pakhat, LinkedIn-ah ISIS zawm a tum thu a tarlan hnuah campus chhung aṭangin a bo zui nghal a ni. Police lamin zawng zuiin, Guwahati aṭanga km 30 vela hla, Hajo-ah nangchingin an man a ni.

IIT-Guwahati zirlai dangte chuan an zirlaipuiin ISIS zawm a tum thu hi Police hnenah an thlen a, ISIS zawm tumtu hostel room an dap hnuah ISIS flag anga ngaih theih tur thil leh Islam sakhaw lehkhabute hmuh a ni bawk.

Director-General of Police G.P. Singh chuan zirlai chu man leh khung hran a nih tawh thu sawiin, dan anga chhui chian hna kalpui mek a ni, a ti. Assam-ah tho hian kar hmasa kar tir lam khan India-a ISIS hotupa Haris Farooqi leh a thurualpui Anurag Singh chu Bangladesh aṭanga an rawn luh hnuah man an lo ni tawh bawk.