Manipur : Hel 13 leh ralthuam thuhruk ṭhahnem tak man a ni

Lok Sabha inthlan ralmuang taka neih a nih theih nana hmalakna kal zelah, Manipur Police chuan hel 13 leh ralthuam ṭhahnem tak an man.

Police lamin operation an neihnaah hian Imphal West district-a helpawl camp ni ngeia hriat, training camp pahnih chu tihchhiat a ni a, hel 13 an man bawk.

Manipur Police te hi Assam Rifles leh CRPF-te nen helpawl dap chhuah kawngah hian an ṭangho a ni. Helpawl an mante hi Kangleipak Communist Party (People’s War Group – KCP (PWG)) mi leh sate an ni a, dan phal loh thil hrang hrang; pawisa khawn, mi ruk bo leh helpawl lut tharte indo nunchan zirtir ṭhin tute an ni. Police hian ralthuam ṭhahnem tak leh silai mu an man tel bawk a, hemi bakah hian KCP (PWG) helpawl lehkha pawimawh hrang hrang an man tel bawk a ni. Police hian helpawl lirthei, training-na hmanrua leh sipai kawr-te pawh an man tel bawk a ni.