TB awm lohnaah Nagaland-a khaw 78 puang

Nagaland sorkar chuan an state chhunga khaw 78 chu tuberculosis (TB) awm tawh lohna hmunah a puang.

Khawvel puma World Tuberculosis Day a hman ṭhin denchhanin, Nagaland sorkar hian he thu hi an puang a ni.

Sorkar thuchhuahin a tarlan danin, heng khaw 78-ah hian National TB Elimination Programme-in mithiam a tirhte chuan zir chianna an neih hnuah TB awm tawh lohna, TB-free-ah an puang tih an tarlang. TB natnain a tihbuai tawh loh khaw 78-te hi Phek district-ah khaw 34, Longleng district-ah khaw 19, Wokha district-ah khaw 9, Mokokchung district-ah khaw 4 leh Kohima-ah khaw 3-te an ni.

World Tuberculosis Day hi kum tin hman ṭhin a ni a, TB natna thlentu bacteria hrik Dr Robert Koch-a'n a hmuhchhuah ni, March 24-ah khawvel pum huapin hman a ni ṭhin a ni.