Arunachal hi India ramchhung ngei a ni : MEA

Tunhnaia China sorkar thupuangtuin Arunachal Pradesh chu China ram chhung a nih thu leh, India chu dik lo taka Arunachal awp bettu tia a sawi chu India sorkar chuan a chhanglet.

Ministry of External Affairs (MEA) thupuangtu Randhir Jaiswal chuan thuthar thehdarhtute a kawmnaah, China chuan Arunachal chungchangah thil awm ang lo tak tak an chhak chhuak ṭhin tih sawiin China thil sawi avangin hian Arunachal chu India ram chhung dik tak a nihna a bo lo a, India ram chin a ni reng bawk ang, a ti.

Chinese defence ministry thupuangtuin Arunachal chu China ram chin a nih thu a sawi hi MEA hian kar hmasa khan a lo chhang let tawh bawk. MEA chuan Arunachal chu India ram hmun pawimawh tak a nih thu leh India Union aṭanga ṭhen hran theih a nih loh thu an tarlang a ni.