CAA duh lohna kawngzawha thihna thleng chhui mek a ni : Meghalaya CM

Meghalaya-a East Khasi Hills-ah kar liam ta Ningani khan Citizenship Amendment Act (CAA) duh lohna lantir nana kawng zawh huaihawt niin, mi tu tih hriat lohte'n kawng zawhte hi an bei a, he inbeihna avang hian mi pahnih L Esan Sing leh L Sujit Dutta chuan nunna an chân a ni.

Police lam chuan thil thleng hi chhui chiang nghalin, tharum thawhtute chuan Sing leh Dutta hi ram leilung fa dik tak an nih loh avanga bitum an nih an rin thu an sawi. Mi pahnih ruang hi hmun hran ve veah hmuh a ni a, Police lam chuan tharum thawhna hi CAA nen inkaihhnawihna a nei em tih an la sawi chian ngam loh thu an sawi.

Meghalaya chief minister Conrad Sangma chuan East Khasi Hills district-a pawi khawihna thleng chu chhui chhuah ngei a nih tur thu sawiin, thil tisualtu chu dan hmanga hrem ngei an nih tur thu a sawi. Sangma hian Police lam chuan pawi khawihtu nia rinhlelh an nei tawh tih sawiin chhui chianna kalpui mek a nih thu a sawi a, dan ang taka hnu chhuina kalpui a nih tur thu sawiin Police lam chuan theihtawp an chhuah reng a ni, a ti. East Khasi Hills Police chuan pawikhawihna kaihhnawihah tun thlengin man an la neih loh thu an sawi ve thung.