Sikkim : Vur tla avanga khualzin tangkhangte chhanchhuak

East Sikkim-ah vur tla a tam thut vangin khualzin chuanna lirthei chesualin, a chhunga chuangte chuan harsatna an tawk a, Indian Army Trishakti Corps chuan khualzinte hi an chhanchhuak.

Kupup, East Sikkim-a vur tla tam thut avanga khualzin tangte hi mi panga an ni a, tlang sang tak tak awmna lai a nih avangin heng laia veivak pawh hi an tam lo hle. Khualzinte chuanna lirthei a chetsual thu an hriat hnu hian sipai lam chuan rang takin chhanchhuah hna hi an thawk nghal a ni. Khualzin chesual zingah hian nunna chân an awm lo a, mahse, hliam tuar an awm avangin Army post lamah enkawl tura phurh phei an ni.

Khualzin tawhsual tawkte hian anmahni chhanchhuak tura kal Indian Army hnenah lawmthu an hrilh a, an mamawh lai taka an puih avangin India sipai chungah hian an lawm hle tih an sawi. Hmun hlauhawm taka an nunna thapa khualzin tangkhangte an chhanchhuah avang hian Indian Army-te hian fak an hlawh hle.