Assam tuilianin ziaawm lam a pan

Assama tuilian chuan ziaawm lam a pan mek a, mahse Pathianni thleng khan district pathuma thingtlang khaw 315-a cheng, mi nuai 1.35 vel chuan harsatna an la tawk niin official-te chuan an tarlang. 

Assam state disaster managment authority (ASDMA) official-te chuan  Nagaon district-a mi 98,427, Marigaon-a mi  29,422 leh Goalpara district-a mi 7,225 ten tuilian hi an la tuar tih an sawi. 

ASDMA chuan tuilian thawh thumna an tuar mek chuan thlai chinna ram hectare 18,807-a zau a chim chhe tawh tih an sawi. Santuary leh national park-te pawh tuilian hian chim lehin, kawngpui, lei, sorkar buiding leh school eng emaw zat a tichhia a ni, an ti. 

Sonitpur district leh Nagaon district-ah chuan Jia Bharali lui tuiin hlauhawm chhinchhiahna a la pel a ni.

Official-te chuan August thla thleng khan state chhunga district 22-ah tuilian vangin mi 122 in nunna an chan a, May 22 hnu lamah leimin vangin mi 26 an thi tawh bawk niin an sawi.